පරිගණකය එකලස් කිරීමේ දී දැන ගත යුතු මුලික කරුණු

පරිගණකයක් එකලස් කිරීමට අලුත්වැඩියා කිරීමට යන්න සතුව මුලික උපකරණ කට්ටලයක් තිබිය යුතුය.

* වැඩ කරන්න සුදුසු තැනක් තෝරා ගන්න.

වටපිටාවේ හොදින් ඉඩකඩ ඇති, හොදට එළිය වැටෙන තැනකදී ඔබේ පරිගණකය ගැලවීම හොදය.එවිට උපාංග එකිනෙක සමග කලවම් නොවී පිළිවෙලකට තැබීමටත්, ඒවා හොදින් හදුනා ගැනීමටත් අලුත්වැඩියාවට අදාළ ලිපි ලේඛන හා අත්පොත් නිවැරදි කියවීමටත් ඉඩ ලැබේ.

* ඔබගෙ පරිගනකය අනවශ්‍ය විදුලියෙන් ආරක්ෂා කර ගන්න.

හැම වැඩකටම කලින් පරිගණකය ප්‍රධාන විදුලියෙන් විසන්ධි කළ යුතුය.එතෙක් ඔබට විදුලි සැර වැදීමේ අනතුර ඉතිරිව තිබේ.එසේම අපේ සිරුරේ අතැගිලි වැනි තැන්වලදී විදයුත් ආරෝපණ රැස්ව තිබේ.ඒය හදුවන්නේ ස්ථිති විද්‍යුත් කියාය.ඒ විදුලියෙන් ඔබටත් පරිගණකය අනෙක් කොටස්වලටත් හානි සිදු වෙන්නට පුළුවන.

මෙවැනි හානි වලක්වා ගැනීම සදහා පරිගණකය උපාංග ස්පර්ශ කිරීමට කලින් පොළව මත තබා ඇති ලෝහ අල්මාරියක්, පිත්තල පහනක් වැනි ලෝහ උපකරණයක් දෑතින් හොදින් ස්පර්ශ කිරීමද සාර්ථක ක්‍රමයකි.එවිට ඔබේ දෑතේ රැස්ව තිබු ස්ථිති විද්‍යුත් ආරෝපණ පොළවට ගොස් හෙවත් භූගත වී ආරෝපණ නැතිව යනු ඇති.

ස්ථිති විද්‍යුතයට ප්‍රතිවිරෝධී අත්වැසුම් (anti-static gloves) හාවිතා කිරීමට හැකිනම් ඔබගේ උපාංගවලට 100% ක ආරක්ෂාවක් ලැබෙනු ඇත.කිසිවිටෙක සාමාන්‍ය අත්වැසුම් මේ සදහා භාවිතා නොකළ යුතුය.එහි වඩාත් ආරෝපණ රැදෙන බැවින් ඒවා මගින් ස්ථිර ලෙසම ඔබේ උපාංගවලට හානි ගෙන දෙනු ඇත.ඔබේ අතේ පළදාගත්, පරිගණකයේ චැසියට සම්බන්ධ කොට තිබෙන උපාංගයක් (anti-statics wrist band) මගින් පරිගණකයේ චැසිය හා පොළොව සම්බන්ධ කෙරෙන කම්බියකින් හෝ වයරයකින්ද මෙම ස්ථිති ව්ද්‍යුතය උදාසීන කිරීමට පුළුවන.

* නියම උපකරණ තෝරා ගන්න.

පරිගණකයේ ආවරණය ඉවත් කිරීමට එහි ඇති ඇණවලට ගැළපෙනම ඉස්කුරුප්පු නියන තෝරා ගන්න.මේ ඇණවලට හානි වුවොතින් නැවත නැවත ඒවා ගැලව පරිගණකය අලුත් වැඩියාවට ඇති ඉඩකඩ ඇහිරී යනු ඇති.එනිසා කිසිවිටෙකත් පිහියා තල, කතුරු තල හෝ වඩා කුඩා හෝ විශාල ඉස්කුරුප්පු නියන් පාවිච්චි නොකළ යුතුය.ඒ සමගම ගලවා ඉවත් කරන ඇණ මුරිච්චි. කෝප්පයකට හෝ පෙට්ටියකට දැමීම හොදය.තවද ඒවා එක් එක් කට්ටලය වශයෙන් වෙන වෙනම කඩදාසිවල ඔතා තැබීම නිසා ඇණ මාරු වීම නිසා ඇති වෙන කරදරයෙන් මිදීමට පුලුවන.

* පරිගණකයේ වයර් ගොන්න හරිහැටි තෝරා ගන්න.

පරිගණක කවරයේ හෙවත් බාහිරින් ඇති ලෝහ ආවරණ ඉවත් කළ විට පෙනෙන්නට තිබෙන්නේ රැහැන් ජාලය හරිහැටි තෝරා බේරා නොගතහොත් පසුව ඒවා කුමන කුමන උපාංගයට අදාළ ඒවා දැයි සොයාගන්නට ඔබට නොහැකි වනු ඇති.ඒ නිසා ඉවසීමෙන් යුතුව ඒ විදුලි රැහැන් තෝරා බේරාගෙන ඒවා නුල්වලින් හෝ ප්ලාස්ටික් රැහැන් (plastic ties) වලින් ගැට ගසා ගන්න.ඉන්පසු ඒ ඒ විදුලි රැහැන් මොනවාදැයි ලියා ලේබල් අලවා ගන්න.

* අදාළ අත්පොත් (manuals) හා උපදෙස් මාලා පාවිච්චියට ගන්න.

ඔබ පරිගණකයට අලුතින් ඩ්‍රයිව් වර්ග කාඩ් වර්ග එක් කරන්නට හෝ වෙනත් කොටසක් එක් කරන්නට යන විට එය මතකයෙන් කරනවාට වඩා අත්පොත් හා උපදෙස් මාලාවන් අනුව යමින්ම එය කිරීමට වග බලා ගන්න.කිසි විටෙකත් කිසි දෙයක් අනුමාන වශයෙන් නොකළ යුතුය.යම් කිසි තැනක ස්විචයක් හෝ ජම්පර් බොත්තමක් වෙනත් වෙනත් සැලසුමකට සකස් කළ යුත්තේ ඒ ගැන හොදටම අවබෝධයක් ඇතිවය.එසේ නැතහොත් ඒ සුළු වෙනස් කිරීමෙන් ඔබේ පරිගණකයේ මවුපුවරුව විනාශ වීමේ අනතුර ඇති වේ.

* ඩ්‍රයිව් වර්ග ජම්පර් හා ස්විච් ප්‍රවේසමෙන් හසුරුවන්න.


ජම්පර් බොත්තමක් දැමීම හෝ කුඩා උපාංගයක් හැසිර විමට උල් අඩු හෝ ට්විසර් යොදා ගන්න.ඇගිල්ලෙන් එය කරන්නට ගිය විට වටපිටාවේ ඇති අනෙක් පරිපථ උපාංගවලට හානි වීමට පුළුවන.එසේම ඩ්‍රයිව් වර්ග හෝ කාඩ් වර්ග ස්ලෝට්වලින් ඉවත් කිරීමේදී එහි සෑම තැනකටම එකම බලයක් යෙදෙන සේ ඒවා හසුරුවන්න.නැත්තම් එහි ඇති පින් ඇදවී යන්නට හා සොකට්ටු තුවාල වෙන්නට පුළුවන.එසේ වුවහොත් උපාංග හරිහැටි වැඩ කරන්නේ නැත.අනෙක් කාරණය එය නැවත තිබු තැන සවි කිරීමට අපහසු වීමය.පරිපථයේ කිසිම තැනක් හෝ පින් කිසිවක් නොඇල්ලිය යුතුය.අතේ ඇති ඩහදිය තිබෙන ලවන වර්ග නිසා ඒවා මල කන්නට ඉඩ ඇති බැවිනි.එසේ වූ විට සොයා ගන්නට අමාරු දෝෂ ටික කලින් පරිගණකයෙන් පෙන්වනු ඇත.

* දෙවැනි වර සියල්ල පරික්ෂා කරන්න.

නියමාකාරව යම් අලුත්වැඩියාවක් හෝ උසස් කිරීමක් (upgrade) කළ පසු පරිගණකය ක්‍රියාත්මක කිරීමට කලින් නැවතත් හර්හැටි සියල්ල සම්පුර්නකොට ඇත්දැයි මුල සිට විමසා බැලීමට මතක තබා ගත යුතුය.යම් අත්වැරැද්දක් සිදුව තිබේ නම් එවිට එය හසුවන බැවිනි.